هموم الليل

تعاندني هموم الليل ..وتساير علـى الكتمـان
تجاريني على صتـي وثمـن تحنـي ضلوعـي
على ما ذقت تشكي لي..ولا يشكي الظما رويان
تخط فصفحة الذكرى رسايل حبرهـا دموعـي
أفا ما قد هقيت البعد ياخذ عن غـلاي انسـان
وأنا اللي دايم أتحسب مـرد المقفـي ارجوعـي
رحلت ولين هاللحظة أقول فخاطري مـا بـان
بعده..و مندفن فيني صداه بصـوت مسموعـي
بعده فخافقي غالـي.. ولا لـه بالغـلا أثمـان
بعده فخاطري حاضر.. ولا بالذكـر مقطوعـي
ألا يا غالي/ن ذكره ..عليك من الغـلا تيجـان
معك قلبي ولك روحي وكل الشـوق مجموعـي
إلين اليوم أنا أرقـب تعـوّد خافقـك ولهـان
إلين اليوم فـي قلبـي غـلاك ينـور شموعـي
إلين اليوم..وانته دوم في عين الغـلا تـزدان
يطيب لعيني اتشوفك وباقـي الخلـق ممنوعـي
ألا يا وقت ما يرحم علامك زدتنـا هجـران؟
علام ان جيتك أشكيلك ترد القلـب موجوعـي؟
أشوف الموت لي أهون..ولاتفرق علي خـلان
حلاة الموت لو باعيـش فالهجـران مفزوعـي!
أنا بي كل دقة قلب شاعـر هاجسـه ظميـان
يناشد عن روى روحي..ولاغيرك سقا روعـي
كتب في كل طيف يمر من طيب القوافـي دان
سقاها من صميـم القلـب بالأشـواق ينبوعـي
تمنى بس لو يقدر يوالفـك بلقـا.. لـو حـان
لعل يسد في لقيـاك مـن بعـد الهيـر جوعـي
تمنى يزهر بحبك من أطياب الزهـر ريحـان
تمنى من بعد ظلما تباشـر شمسـك اطلوعـي
أواسيني بقولة "ياعسى"..يالين صبـري هـان
على طول التريي واطلعت الأشعار عن طوعي
دخيلك..كيف بس اختم قصيدة مالهـا عنـوان
وأنا عفت القصايد دام عنك الذكـر مرفوعـي؟
دخيلك..مابقى فيني سوى روح/ن بـلا انسـان
تسلّيهـا علـى الفرقا..بقايـا قصـة ارجوعـي